《干地真的非走不可?》

2020-05-27    收藏239
点击次数:764

《原创文章 欢迎转载 请列明出处 谢谢》-请支持蓝狮 Facebook专页-《干地真的非走不可?》 按此观看图片 .图片来源 : Telegraph近日车路士换帅消息不断,新帅人选其实黎黎去去都係果几个,主要围绕着沙利、白兰斯同安历基轮住转,但蓝军一直喺干地既解约金上争持不下,希望能够有新球会为意大利人缴付哩笔解约金,唔通干地今次真係非走不可?可以先为干地上任至今做个小总结,从而分析车路士管理层点解咁想佢离开。先讲内务,干地从来都係一位有主见同执着既领队,而喺球员组班方面都有特定要求人选,并唔似得好似前领队兼同乡安察洛堤咁咁识得「睇餸食饭」,而前体育总监艾文拿路原来一直係以中间人既角色维持干地与管理层之间既关係,佢既离开亦令干地感到非常可惜。心水人选如阿历士辛度、丹尼路、尼恩高兰等高质素球员收购失败,换黎既就只有艾马臣、萨柏哥斯达、真禾特等伤兵或二线兵,而高层喺唔少'交易中不断讨价还价,驱使干地在唔能够再忍受「空头支票」下就只好借传媒把口向管理层施加压力,但最后都无功而还,更加令到两者之间既关係恶化到无可收复既地步。所收购得返黎既人脚亦直接影响左球队既成绩,例如好似巴克里同真禾特咁,喺球队需要佢地时总係因为伤病等原因唔能够上场,又要继续用法比加斯,咁其实同上季无收购过有咩分别?再带去讲战术方面,上季所用既343阵式都一直存在问题,而干地亦知道问题所在亦一步步希望以352阵式取代,但所收购返黎既人脚都唔能够打响干地心中既如意算盘。喺哩两年都观察得到干地对着球会既热诚,同时间睇到佢并唔係坐以待毙既领队,但就係因为高层由内到外既掣肘,令意大利人成为唔少人眼中球队失利既箭靶。当然,干地本身都存在一啲缺点问题喺度,但如果比较文章初段果几位候任新帅人选的话,小弟就真係一笑置之。文章最后更新时间 : 06/06/2018 15:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关文章  RELEVANT ARTICLES