《干地用死一对翼卫 揭示球员在战术上的单一性才是致命伤?》

2020-05-27    收藏239
点击次数:129

《原创文章 欢迎转载 请列明出处 谢谢》-请支持蓝狮 Facebook专页-《干地用死一对翼卫 揭示球员在战术上的单一性才是致命伤?》 按此观看图片 .图片来源 : Daily Echo加时险胜李斯特城1-2,车路士有惊无险下晋级足总盃四强,但睇番出场阵容同场上形势,干地依旧以不变应万变,沿用番上场对巴塞既人选作正选阵容,只係收起左门将古图尔斯及基奥特换上卡巴尼路同莫拉达,而大部份车路士球员都显得力有不逮,明显在休息不足下欠缺战意,尤其係今集想讲既一对翼卫,摩西斯及马高斯阿朗素。先要为马高斯阿朗素入选新一轮西班牙国家队名单感到高兴,虽然未必有机会参与黎紧既世界盃,但总算叫做得到第一次机会,相信好好把握的话,足球世界无话无野係无可能;其实有睇开三后卫阵式既球迷都知道,两边翼卫既职责係非常重要,无论进攻定係防守都需要参与,进攻上要识得喺边路出波,同时具备前插同埋门意识,而防守上需要有做到拦截同补位,翼卫对体力同速度上都要有一定支持,否则下下走上走落都未必顶得顺一场九十分钟既赛事。反观睇番车路士一对翼卫摩西斯同马高斯阿朗素,先讲前者,体能同速度对于哩位尼日尼亚国脚唔成问题,反而係在于防守技术同埋边路出波方面,始终球员係边锋出身,防守技术难免粗糙,面对质素有番咁上下既对手多以犯规拦截,同时摩西斯边线出波既质素简直係不堪入目,几乎係将控球权拱手双让比对手;至于马高斯阿朗素正正同摩西斯成相反,左脚出波及罚球质素可以话係佢杀手锏,而闸位球员出身既佢一啲防守动作同技术亦不成问题,只係西班牙人速度偏慢係佢既致命伤,面对英格兰典型边锋,稍一不留神失左位几乎係只能陪跑食尘,体力上需要负出更多,亦相信佢唔会再有空间可以让他在速度上作出显注进步。以上两位其实近期都接连打左唔少硬仗一直都无休息过,不论在战意同体力上其实都绝非最佳状态,亦间接导致球员自身既缺点更容易暴露出黎。而后备席上又係唔係欠缺左替代人选?车路士今季各自喺两个转会窗都从意大利收购左两名意籍兵番黎,分别係喺拖连奴签入萨柏哥斯达以及罗马签入艾马臣,但两者似乎都唔係干地原先想买入既位置首选。干地原先一心想要既係当时仲喺皇马既丹尼路同祖云达斯既阿历士辛度,但分别被曼城捷足先登以及球会讨价还价而告吹,换黎既萨柏哥斯达以及艾马臣相信只係意大利人心目中既第三四左右既选择,级数上绝对存在分野。 其实佢两个有咩唔好?萨柏哥斯达担任右翼卫时见到,出波质素比起摩西斯好,但球员单对单既过人能力十分之差,速度同身位上连一般既英超防守球员都过唔到,而艾马臣加盟至今都只係为车路士喺联赛后备上阵一次,参考指数极低,但睇番哩位左闸球员过往效力罗马时都係攻强守弱,相信场上效果同萨柏哥斯达分别不大。再睇番干地原先想要既丹尼路同阿历士辛度,进攻上能够有自己既搵食能力,防守上亦有速度同适当既压迫能力,当日球会如果唔係贪平的话,相信车路士喺联赛排名上都唔洗搞到依加咁咁险峻。无疑车路士喺翼卫哩个位置上既人选,人数上係足够,但质素上实在不堪入目,各自球员在战术功能上过于单一,引致干地用人非常有限度,但如果佢继续打死哩一对翼卫的话,相信受伤风险只会与日俱增,到时先换恐怕为时以晚。文章最后更新时间 : 19/03/2018 14:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关文章  RELEVANT ARTICLES